• Email: bexleynp@gmail.com
  • Phone: 078 969 47553 (President: Ananda Raj Dharel)

Notice Board

बेक्स्ली नेपाली समाजका बाबुनानीहरुकोलागी सुवर्ण अवसर!!!   आदरणीय सम्पूर्ण आमा दिदीबहिनीहरूमा हार्दिक नमस्कार , उपरोक्त सम्बन्धमा यस समाजका बाबुनानीहरु जति पनि सेकन्डरी स्कुलमा अध्ययान गर...

View Details

बेक्सली लण्डनमा नेपालीका लागि २६ हप्ते फिटनेस प्रशिक्षण शुरु


लन्डन। बेक्स्ली नेपाली समाज लण्डनले २६ हप्ते फिटनेस प्रशिक्षण शुरु गरेको छ। बेक्सली नेप्लिज् कम्युनिटीको संयोजनमा सञ्चालन हुने उक्त प्रशिक्षण शनिबार स्थानीय बेक्सली बरोका मेयर जेम्स हन्ट र सांसद लुइ फ्रेञ्चले उद्घाटन गरेर शुभारम्भ गरेको हो ।

यो प्रशिक्षण स्थानीय ह्यारिस एकेडेमीको हलमा हरेक साताको शनिबार २ घण्टा सञ्चालन हुनेछ। उक्त प्रशिक्षणका लागि स्थानीय नेपाली ३६ महिला र ३२ पुरुष गरी जम्मा ६८ जना दर्ता भएका छन्। उनीहरुलाई फिटनेस प्रशिक्षक रिना गुरुङ र गुर्भी आचार्यले प्रशिक्षण गराउनेछन् भने योगातर्फ शिक्षिका सरिता शर्माले सिकाउने भयकि छन।

यो कार्यक्रम बेक्सली नेपाली कम्युनिटीले ‘ब्रिङिङ बिएनसी टुगेदर’ र ‘स्टे फिट फरेभर’ को नारासहित फिटनेस प्रशिक्षण शुरु गरिएको कुरा अध्यक्ष आनन्द धरेलले जनाउनु भयको छ।

प्रशिक्षण उद्घाटन गर्दै प्रमुख अतिथि मेयर हन्ट र विशेष अतिथि सांसद फ्रेञ्चले बेक्सली नेप्लिज् कम्युनिटीले फिटनेस प्रशिक्षण सञ्चालन गरेकोमा प्रशंसा गरेका थिए।प्रमुख अतिथी द्वय स्थानीय नेपाली समुदायको सहयोग गर्न र सहकार्यको लागि आफुहरु प्रतिवद्ध रहेकोपनि उनीहरुले जनाएका थिए।

त्यसअवसरमा फिटनेस प्रशिक्षणका परिकल्पनाकार समेत रहेका कम्युनिटीका कोषाध्यक्ष दिपेन सिटौला र सचिव होमनाथ ज्ञवालीले नेशनल लट्रीबाट कसरी फन्ड व्यवस्था भयो र २६ हप्तामा के कस्तो प्रशिक्षण गराइनेछ भन्नेबारे जानकारी गराएका थिए। 

अध्यक्ष धरेलले प्रशिक्षणको अवधारणालाई सफल पार्न सहयोग गर्ने सबैप्रति धन्यवाद ज्ञापन गरेका थिए भने महासचिव केदार थपलियाले कार्यक्रम सञ्चालन गरेका थिए। कम्युनिटीका अध्यक्ष आनन्द धरेलको अध्यक्षतामा सम्पन्न कार्यक्रममा संस्थापक अध्यक्ष केशबहादुर गुरुङ,निवर्तमान अध्यक्ष विजय गुरुङ लगायत अतिथिहरुको उपस्थिति थियो ।  

कार्यक्रमको लागि नाम दर्ता डेस्कमा मधुर मिश्र,उमेश गौतम र नारायण पन्त खटिएका थिए । हल सजावट बिएम प्रसाई र विमला शर्मा, फोटोग्राफी गुणदेव घिमिरे, मिडिया अहिल्या कुँवर र केदार थपलियाले सम्हालेका थिए ।